ВАНГА ЭМЭЭГИЙН ЗӨГНӨЛӨӨР 2018 ОНД ЮУ БОЛОХ ВЭ?

Болгарын ер бусын хүмүүн Баба Ванга 1996 онд 85 насандаа таалал төгсөхөөсөө өмнө дэлхий дээр болох байгалийн гамшиг ба бусад чухал үйл явдлуудыг үнэн зөв зөгнөсөн байдаг. Есдүгээр сарын 11-ний террорист халдлага, Японы Фукушимагийн цунами, Индонезийн Суматра арлын газар хөдлөлт, туйлын мөс, нарны идэвхжил гээд Ванга эмээгийн алдартай зөгнөлүүдийг дурдаад дуусахгүй.

Ванга эмээ 2018 онд "Хятад АНУ-ыг ардаа орхиж, дэлхийн дараагийн супер хүчирхэг гүрэн болно" гэж хэлсэн байдаг. Үнэхээр түүний зөгнөснөөр 1970 онд Хятадууд дэлхийн эдийн засгийн 4,1 хувийг бүрдүүлж байсан бол одоо хүчирхэг гүрэн болж байна. Форбес сэтгүүлд онцолсноор 2025 он гэхэд АНУ дэлхийн эдийн засгийн 16,7 хувь биш 14,9 хувийг бүрдүүлдэг болж, байр сууриа алдах ажээ.

Мөн 2018 онд Сугар гаригаас эрчим хүчний шинэ эх үүсвэр олдоно гэж хэлсэн нь судлаачдын анхаарлыг татаж байна. Одоогоор нарны аймгийн хамгийн халуун гариг болох Сугар дээр үүрэг гүйцэтгэх төлөвлөгөө байхгүй хэдий ч ирэх онд судлаачид гарч ирэхийг үгүйсгэх аргагүй юм. Европын сансар судлалын агентлаг Сугар гаригийг судлах зорилготой "Venus Express" хөлгийг аялуулж байсан удаатай.

Ванга эмээ 2016 оны сүүлээр Европын орнуудад Брекситийн ажиллагаа өрнөхийг, Сири, Иракт "Исламын улс" бүлэглэл хүчээ авахыг зөгнөсөн байжээ. Түүнчлэн 2028 онд дэлхий нийт өлсгөлөнд нэрвэгдэж, 2256 онд Ангараг гаригийг колоничилж, цөмийн зэвсэг олж авч, 2341 онд дэлхий дээр хүн амьдрах боломжгүй болно гэжээ.