О.БААСАНХҮҮ БНСУ РУУ ЭМЧИЛГЭЭНД ЯВАХААР БОЛЖЭЭ

Улсын дээд шүүх өнгөрсөн долоо хоногт хуралдаж МАХН-ын дүрмийн асуудлыг хэлэлцсэн юм. Улмаар дүрмийн өөрчлөлтийг бүртгэхээс татгалзсан талаар бид өмнө нь мэдээллэж байсан билээ. Шүүх хуралдааны дараа МАХН-ын дэд дарга Э.Эрдэнэжамъян болон УИХ-ын гишүүн О.Баасанхүү нар маргалдсан аж. Тэдний маргаанд "дарь дээр давс нэмэв" гэгчээр тус намын бас нэг гишүүн оролцож УИХ-ын гишүүн О.Баасанхүүг зодож биед нь хүнд гэмтэл урчуулж тэрээр эмнэлэгт хүргэгдсэн талаар ч мэдээллэж байсан. Тэгвэл өнөөдөр МАХН-аас мэдээлэл хийлээ. МАХН-ын гишүүн н.Уламбаяр, МАХН-ын дэд дарга Э.Эрдэнэжамъян нар О.Баасанхүүгийн элэг рүү өшиглөж түүнийг хүнд гэмтсэн тул БНСУ-руу эмчилгээ хийлгэхээр явна гэдгийг мэдэгдлээ.