Замын-Үүд чөлөөт бүсийн захирагчаар Д.Дамдинцэрэнг томилов

Замын-Үүд чөлөөт бүсийн захирагчаар ШШГЕГ-ын дарга асан Д.Дамдинцэрэнг  томилжээ.  Д.Дамдинцэрэн нь эрх зүйч мэргэжилтэй. Хууль зүйн ухааны доктор, 1988-1992 оноос Нийслэлийн Багануур дүүргийн 427 дугаар ангид төлөөлөгч, Ганц худаг, Тахир соёот, Авдрант зэрэг хорих ангиудад төлөөлөгч, дэд дарга, дарга зэрэг алба хашиж байсан. ШШГЕГ-ын Тэргүүн дэд даргаар ажилласан туршлагатай юм.

Замын-Үүдийн чөлөөт бүсийг нийт 900 га газарт байгуулахаас одоогийн байдлаар 300 га газарт цэвэрлэх байгууламж, ариутгал татуурга, авто зам, дулааны станц, төмөр замын орц, гарц гээд барьсан гэдгийг албаныхан мэдээлсэн юм. Үлдсэн газраа хоёр жилдээ багтаан дэд бүтцэд холбож дуусгахаар төлөвлөж байна.