Бельги улсаас 3-р сарын 8-нд ирсэн иргэнээс түргэвчилсэн оношлуураар короновирус илэрч, Ховд аймаг хөдөлгөөн хорилоо

Иргэн Д нь Бельги улсаас 2020.03.08 нд Монгол улсад ирсэн. Одоо ХӨСҮТ-д сэжигтэйгээр тусгаарлагдан 2020.05.01 нд түргэвчилсэн шинжилгээгээр коронавирус эерэг(+) гарч, одоо нарийвчилсан шинжилгээ (PCR) хийгдэж байна.

Д. нь 2020.03.29 нд УБ хотоос Ховд аймгийн Дөргөн суманд ирээд, 2020.04.12 нд Ховдоос УБ хотруу автобусаар буцсан гэсэн тандалт судалгааны өгүүлэмжтэй байна.

Иймд 2020.05.01-ний 23:00 цагаас аймгийн онцгой комисс хуралдлаа. Онцгой комиссын хурлын шийдвэрээр Ховд аймгаас гарах, орох автомашины хөдөлгөөнийг түр хааж, постууд гарлаа.

Ард иргэдээ халдвараас сэргийлж амны хаалтаа зүүж, гараа маш сайн угааж, онцын шаардлагагүй тохиолдолд гадуур явахгүй байх, хүүхэд багачуудыг гадаа тоглуулахгүй байх, бүлээн шингэн зүйл уух гэх мэт kоронавируст халдвар буюу "COVID-19" болзошгүй эрсдэлээс сэргийлэх зөвлөмжүүдийг сайтар дагаж мөрдөхийг анхааруулж байна гэж Ховд аймгийн Засаг дарга Б.Дүгэржав мэдэгдлээ.