МАЛАЙЗАД АЯЛЖ ЯВСАН МОДЕЛЬ БҮСГҮЙ АМИА АЛДЖЭЭ

Малайзын Куала Лампур хотод амарч явсан 18 настай Ивана Смит хэмээх загвар өмсөгч бүсгүй амиа алдсан харамсалтай хэрэг гарчээ. Загварын салбарынхныг цочирдуулсан энэ хэрэгт буруутай этгээдүүдийг нэн даруй илрүүлэхийг олон нийт шаардаж байгаа ажээ. Хохирогч Ивана Смит нь Голландын иргэн бөгөөд төрөлх Малайздаа байнга ирдэг байжээ. Хэрэг гардаг өдөр Ивана найзуудтайгаа үдэшлэгт явсан боловч цогцос нь 20 давхар барилгын зургаан давхрын тагтан дээрээс нүцгэн олджээ. Түүний цогцосноос хар тамхи, согтууруулах ундаа илэрсэн нь сэжиг төрүүлж байгаа ажээ.

Малайзад залуу охидыг таван цагийн 1200 доллараар хөлсөлж, үдэшлэгт хөгжөөгчөөр ажиллуулдаг бөгөөд энд хар тамхи, архидалт замбараагаа алджээ. "Амьдралын туршлага багатай өсвөр насны охид загварын ертөнцөд хөл тавьж, өөрсдийгөө эрсдэлд оруулж байна. Гэр бүлээсээ хол байсан эдгээр хүүхдүүд хар тамхинд донтож байна" хэмээн нэгэн туршлагатай загвар өмсөгч BBC агентлагт ярьжээ.