Кёкүшюүзан Д.Батбаяр эхнэрийнхээ хамт шалгагдаж байна

УИХ-ын гишүүн асан, Японы мэргэжлийн сүмогийн анхдагчдын нэгэн төлөөлөл болох Гавьяат тамирчин Кёкүшюүзан Д.Батбаярыг гэргий, Гавьяат жүжигчин Т.Баясгалангийнх нь хамт хууль хяналтын байгууллагаас шалгаж эхэлжээ. Тодруулбал Д.Батбаяр, Т.Баясгалан нар өөрсдийн болон хамаарал бүхий хүмүүсийнхээ байгуулсан компаниар дамжуулж дархан цаазат Богд уул, Яармагийн дэнжид их хэмжээний газар авсан ч зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй, хууль зөрчсөн үндэслэлээр шалгагдаж байгаа юм байна.

Энэхүү хэргүүдтэй холбоотойгоор Нийслэлийн прокурорын газар Д.Батбаяр болон түүний эхнэр Т.Баясгалан нарт эрүүгийн хэрэг хянан шийдвэрлэх ажиллагаанд саад учруулахгүй байх зорилгоор хилийн хориг тогтоох арга хэмжээ авахуулахаар ХУД-ийн анхан шатны шүүхэд хандаж, тэдний хилээр гарах эрхийг түр хязгаарлахаар болсон байна.