Мал хулгайлж байгаад баригдсан этгээдүүд өмнө нь ял шийтгэл эдэлж байжээ

2019 оны тавдугаар сараас хойш зохион байгуулалттайгаар мал хулгайлан, худалдан борлуулж байсан бүлэг 10 этгээдийг баривчилжээ. Өнгөрсөн хугацаанд тэд 35-35 тооны малыг 6-8 удаагийн үйлдлээр хулгайлан худалдсан нь тогтоогдоод байна. Тэд хулгайлсан малаа Эмээлт зах дахь махны ченжүүдэд худалдан борлуулж байсан байна.

Түүнчлэн алт, мөнгө зэрэг үнэт эдлэлүүдийг хулгайлан борлуулж байсан нь ч тогтоогджээ. Тэдний учруулсан хохирлын хэмжээ 100 гаруй сая төгрөг байна. Хулгайн хэргээр баривчлагдсан 11 этгээдийн 10 нь өмнө нь ял эдэлж байсан этгээдүүд байна. Тухайлбал, хоёр нь зургаан удаа ял эдэлсэн, нэг нь хүнийг санаатайгаар алах хэргээр ял эдэлсэн этгээдүүд байна.