ИСПАНИЙН ХААН КАТАЛОНЫ УДИРДЛАГЫГ "ХҮЛЦЭН ТЭВЧИХИЙН АРГАГҮЙ ҮНЭНЧ БУС" ГЭЖ ТОДОРХОЙЛОВ

2017/10/04

Каталоны удирдлага ард түмнийхээ дунд Испаниас салан тусгаарлахыг хүсч буй эсэх тухай санал асуулга зарлаж, асуулгад оролцогчдын 90 хувь нь тусгаар улс болохыг хүсч буйгаа илэрхийлсэн. Санал асуулгыг Испанийн төр засаг хууль бус хэмээн үзэж, хүчээр зогсоох чигийг баримталснаар иргэд болон цагдаа нарын хооронд мөргөлдөөн гарсан. Мөн санал асуулгын маргааш 700 гаруй мянган каталанчууд эсэргүүцлийн жагсаал цуглаан хийж, Испанид тогтворгүй байдал үүсээд байгаа юм. Үүнтэй холбогдуулан Испанийн Хаан Филипп VI албан ёсны мэдэгдэл хийлээ. Тэрбээр мэдэгдэлдээ Каталоны удирдлагыг "хүлцэн тэвчихийн аргагүй үнэнч бус" гэж тодорхойлжээ.

"Каталоны төлөөлөгчид төрийн тогтолцоог зөрчиж, улс орныхоо удирдлагын эсрэг хүлцэн тэвчихийн аргагүй үйлдэл хийлээ. Тэд Каталоны оршин тогтнол, ард иргэдийн уур амьсгалыг эргэлзээнд орууллаа. Тэд Испанийн нэгдмэл байдлыг бутаргахыг эрмэлзэж, хууль ёс, ардчиллыг уландаа гишгэлээ" гэж Испанийн Хаан Филипп VI мэдэгдсэн байна.

М.Болджин

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ