​АН-ЫН БҮЛЭГ МАН-Д ШАХАЛТ ҮЗҮҮЛЖ ЭХЭЛЛЭЭ

Засгийн газар бүрэн эрхээ хэрэгжүүлэх эрх зүйн чадамжгүй болсон нь төрийн алба тасралтгүй байх зарчим алдагдаж, улс даяараа өвөлжилтийн асуудал хүндрэх, хүүхдийн мөнгө цагтаа олгогдохгүй байх зэрэг олон шийдлээ хүлээсэн асуудлууд эрсдэлд ороод байгаа учраас ээлжит бус чуулганыг яаралтай хуралдуулах тухай албан бичгийг АН-ын бүлэг УИХ-д өргөн барьжээ.

АН-ын бүлгийнхэн Засгийн газрыг яаралтай эмхлэн байгуулж, 9, 10 дугаар сард 110 тэрбум төгрөгийн хүүхдийн мөнгөний дутагдалд орж, хүүхдийн мөнгө олгогдохгүй байх эрсдэлийг төсөвт тодотгол хийх замаар яаралтай шийдвэрлэж, өвөлжилтийн бэлтгэл ажлыг сайтар хангахын тулд ээлжит бус чуулганыг яаралтай хуралдуулах ёстой гэж үзэж байгаа аж.