​ХОВД ГОЛЫН УСАНД ГУРВАН ЦЭРЭГ ОСОЛДОВ

Ховд аймгийн Мянгат сумын Цагаанбулаг багийн нутаг дэвсгэр "Оросын тохой" гэдэг газарт гурван цэрэг усанд осолдсон харамсалтай осол гарчээ. Уг газар нь аймгийн төвөөс зүүн урд зүгт 75 км-т байдаг байна. Ховд голын усанд ЗХ-ний 123 дугаар ангийн алба хаагч С, Б, Е нар осолдсон тухай мэдээлэл онцгой байдлын албанд энэ сарын 27-ны өдөр 19:30 цагт иржээ. Одоогийн байдлаар ОБЕГ-ын харьяа аврах тусгай ангийн 8, ЗХЖШ-ын 3, 303 дугаар ангийн 3 алба хаагч, "МИ-8" загварын нисдэг тэрэгтэй, тус аймгийн Онцгой байдлын газрын 9 алба хаагч, 1 автомашин, ЗХ-ний 0123 дугаар ангийн 5 алба хаагч, 1 автомашин, нийт 28 хүн, 3 техник хэрэгсэлтэйгээр ажиллаж байгаа талаар албаны эх сурвалж мэдээллэж байна.