28 ХОНОГИЙН ХОРИО ЦЭЭР ТОГТООЖЭЭ

Хан-Уул дүүргийн 10 дугаар хороо, Морингийн задгай хаягт байрлах иргэн Б.Ц-ийн 1 үхэрт халдварт өвчиний шинж илэрсэн байна. Үүнийг Улсын мал эмнэлэг ариун цэврийн төв лабораторид шинжлүүлэхэд "Шүлхий өвчин" болох нь тогтоогджээ. Тиймээс Хан-Уул дүүргийн Засаг дарга энэ сарын 26-ны өдөр буюу өнгөрсөн бямба гарагт захирамж гарган хори цээрийн дэглэм тогтоосон байна. Тус голомтийн бүсэд 15 өрхийн 1388 толгой мал нутаглаж байгаа бөгөөд нийт 45 албан хаагч, 6 автомашинтайгаар үүрэг гүйцэтгэж байгаа аж. Тодруулахад хорио цээр 28 хоног үргэлжлэх бөгөөд өвчиллийн байдлаас шалтгаалан тухайн үед нь сунгах эсэх асуудлыг шийдэх гэнэ.

Б.Ирээдүй