АТГ, ЦЕГ-ЫН ХАМТАРСАН АЖЛЫН ХЭСЭГ Н.ЗОЛЖАРГАЛД ЭРҮҮ ҮҮСГЭН ШАЛГАЖ БАЙНА

Монголбанк үнэ тогтворжуулна гэдэг нэрээр компаниудад гурван их наяд төгрөгийг 2012-оос тараасан. Ингэхдээ Н.Золжаргал нь авилга хээл хахууль авсан байж болзошгүй гэдэг үндэслэлээр АТГ-ын Мөрдөн байцаах албанаас эрүүгийн хэрэг үүсгэн шалгаж байна. Шалгах явцад Н.Золжаргал нь биеийн байдал тааруу гэдэг шалтгаанаар гадагшаа эмчилгээнд яваад өнөөдрийг хүртэл эх орондоо ирээгүй бөгөөд оргон зайлсан байх магадлалтай гэх мэдээлэл цацагдаад байсан юм.

Ямартай ч Монголбанкны Ерөнхийлөгч асан Н.Золжаргалд холдогдох хэрэгт АТГ, ЦЕГ-аас хамтарсан ажлын хэсэг эрүүгийн хэрэг үүсгэн шалгаж байгаа талаар ЦЕГ-аас цахим хуудсаараа дамжуулан мэдээллээ.