200 ГАРУЙ ЯРУУ НАЙРАГЧ, ЗОХИОЛЧИД МОНГОЛД ЧУУЛНА

Монголын Соёл яруу найргийн академи нь дэлхийн 40 орчим орны 200 гаруй нэрт яруу найрагч, зохиолч, нийтлэлч, орчуулагч, урлаг соёлын зүтгэлтнүүд оролцох "Дэлхийн яруу найргийн өдрүүд"-ийг зохион байгуулах гэж байна. Яруу найргийн өдөр наймдугаар сарын 16-22-ны өдрүүдэд Монгол Улсад анх удаа болно.

Дэлхийн яруу найргийн өдрүүдийн хүрээнд "Байгалийн оюун санаа ба Хүмүүний сэтгэлийн байгаль" хэмээх агуулгын дор Дэлхийн яруу найрагчдын 37-р их хурал Төрийн ордонд зохион явуулах ажээ.

Мөн түүнчлэн Явуухулангийн цэцэрлэгт хүрээлэнд болон Дорноговь аймгийн Хамарын хийдэд Бичиг соёлын болон гадаадын яруу найрагчдын ном бүтээлийн үзэсгэлэн Монголын уран зургийн галерейд олон улсын яруу найрагчдын уншлагууд дөрвөн музейд тус тус зохион байгуулах юм байна.