МУНЗУЙ ХОЧИТ НЯМДОРЖ НАРТ ХОЛБОГДОХ ШҮҮХ ХУРАЛ ЭХЭЛЛЭЭ

Мунзуй хочит Нямдорж нарт холбогдох шүүх хуралдаан яг одоо Баянгол дүүргийн эрүүгийн хэргийн анхан шатны шүүхэд хаалттай эхэлж байна. Уг шүүх хурал өнгөрсөн сарын 3-ны өдөр болох байсан ч шүүгдэгч Нямдоржийн өмгөөлөгч М.Алтанцэцэг, шүүгдэгч Б.Баяржаргалын өмгөөлөгч М.Цэнгүүн нар нь хурал давхардсан шалтгаанаар өнөөдрийг болтол хойшлуулаад байсан юм. Хэргийн талаар сануулахад, шүүгдэгч Г.Нямдорж нь Баянгол дүүргийн нутаг дэвсгэр, гуравдугаар хороололд байрладаг "Rich Hill" зочид буудалд бусдыг барьцаалан мөнгө нэхэн, дээрэмдсэн төдийгүй бэлгийн дур хүслээ ёс бусаар хангахыг завдсан гэх үндэслэлээр саатуулагдсан.

Улмаар прокуророос Г.Нямдоржийг өнгөрсөн оны аравдугаар сарын 20-нд суллаж, батлан даалтад гаргасан хэдий ч найм хоногийн дараа буюу аравдугаар сарын 28-ны өдөр зүсээ хувирган Сэлэнгэ аймгийн хилээр ОХУ-руу хил давах гэж байгаад Эрүүгийн цагдаагийн алба хаагчдад баривчлагдсан юм.

Б.Ирээдүй