ИРГЭНИЙ НИСЭХИЙН “АСЕМ” ИРЭХ 7 ХОНОГТ БОЛНО

Ази, Номхон далайн бүсийн орнуудын Иргэний нисэхийн ерөнхий захирлуудын 54 дүгээр хурал Улаанбаатар хотноо 2017 оны 08 дугаар сарын 07-оос 11-ний өдрүүдэд зохион байгуулагдах гэж байна. Энэ хуралд Ази, Номхон далайн бүсийн 50-аад орон, иргэний нисэхийн олон улсын 12 байгууллагын 500-гаад төлөөлөгч оролцох юм.

Ази, Номхон далайн бүсийн орнуудын Иргэний нисэхийн ерөнхий захирлуудын 54 дүгээр хурал (DGCA 54) манай улсад зохион байгуулагдсанаар:

• 1.Монгол Улсын нэр төрийг олон улсын тавцанд өргөх,
• 2.Монгол Улсын иргэний нисэхийн салбарыг олон улсад сурталчлах,
• 3.Ази, Номхон далайн бүсийн орнуудын хоорондын хамтын ажиллагааны цар хүрээг өргөтгөх,
• 4.Иргэний нисэхийн олон улсын байгууллагатай хамтран ажиллах боломжийг нэмэгдүүлэх ач холбогдолтой болно.