Б.Баярбаатар: Шинэ парламент ирцийн хувьд дэвшил гарч цагтаа хуралддаг болсон

Монгол Улсын Их Хурлын гишүүн, Монгол Улсын Их Хурлын Ёс зүй, дэгийн байнгын хорооны дарга Б.Баярбаатараас цаг үеийн асуудлаар тодруулга авлаа.

126 гишүүнтэй парламент үйл ажиллагаа нь эхлээд тодорхой хугацаа өнгөрсөн байна. УИХ-ын чуулганы дэгийн тухай хууль хэрэгжиж байгаа. Ирцийн хувьд дэвшил гарсан, өглөө чуулган яг 10 цагтаа эхэлдэг болсон. Өнгөрсөн үед ирц бүрдээгүйгээс үүдэн чуулганы хуралдаан эхэлдэггүй, зарим цагаан хэдэн цагаар хоцрох тохиолдол ч байсан. Энэ удаад ийм зүйл байхгүй болсон. Учир юу вэ гэхээр ирцэд орсон дарааллаар санал асуулга явж байгаа дэгийн хуультай болсон. Нөгөө талаар хуруугаа дарж ирцдээ орчихоос алга болж байгаа гишүүд бий.

УИХ-ын гишүүний ёс зүйн дүрэм гэж бий. Тэр дүрмээр 40 цаг буюу ажлын 5 өдөр тасалсан бол Ёс зүйн байнгын хорооноос хариуцлагын асуудал яригдана.