NBA-ын супер од Кевин Дюрант халдвар авсан нь батлагдлаа

Дэлхий даяар коронавирусийн халдвар тархаж байгаа энэ үед АНУ-ын мэргэжлийн спортын ертөнцөд нөлөөгөө үзүүлэх нь цаг хугацааны асуудал боллоо. Халдвараас болж олон тооны тэмцээн арга хэмжээнүүд цуцлагдаж, дэлхий дахинд сагсан бөмбөгийн лигийн тоглолтууд цуцлагдаж байгаа энэ үед мэргэжлийн тамирчид болон дасгалжуулагч нар өртөж эхэллээ. 

Одоогийн байдлаар спортын ертөнцөд коронавирусийн халдвар авсан хасгийн тод од Кевин дюрант болоод байна. Хойд Америкийн үндэсний сагсан бөмбөгийн холбооны Брүклин Нец багийн тамирчдаас дөрвөн хүн шинжилгээгээр эерэг хариу гарсны нэг нь Кевин Дюрант бөгөөд одоогоор биеийн байдал нь сайн, ямар нэг шинж тэмдэг үзүүлж эхлээгүй байгаа гэж “The athetic” сэтгүүлд мэдээлжээ. 

Үндэсний сагсан бөмбөгийн холбооны эргэн тойронд ковид19 өвчнийг үүсгэгч сарс ков-2 вирусээр халдварласан анхны тоглогч нь Утахх жазз багийн төвийн тоглогч Рүди гоберт болсон бөгөөд уг тохиолдоос хойш лигийн үндсэн тоглолтыг тодорхойгүй хугацаагаар цуцлаад байгаа ч ирэх зургаадугаар сарын сүүлээр лигийн тоглолтыг үргэлжлүүлэх төлөвлөгөөтэй байгаа юм байна. 

Үндэсний сагсан бөмбөгийн холбоо нь бүх тоглолтоо цуцлах шийдвэр гаргасан нь бусад мэргэжлийн спортын холбооноос анхных байсан бөгөөд удалгүй NHL  улирлын тоглолтуудаа цуцалж, MLB хаврын бэлтгэл сургуулилтуудыг мөн цуцалж, улирлын нээлтээ дөрөвдүгээр сарын дунд хүртэл хойшлуулаад байгаа билээ.