Дэлхийн 164 оронд халдвар бүртгэгдсэн, 24 цагийн дотор 14 оронд шинээр бүртгэгджээ. МУ-ын хувьд гурван тохиолдол шинээр бүртгэгдсэн. Сөүл-Уб, Берлин-УБ нислэгээр ирсэн иргэдээс халдвар илэрсэн. Тухайн иргэдийг ХӨСҮТ-д тусгаарласан. Бүх хавьтлыг судалж, шинжилгээнд хамруулж байна. Тэд УОК-ийн шийдвэрээр тусгай үүргийн нислэгээр ирсэн иргэд.
Өвчлөл өндөртэй улсаас ирж байгаа учраас бид бэлэн байдлыг хангасан. Онгоцонд бүгд масктай ирсэн. Хоол хүнсний зүйл өгөөгүй. МХЕГ-ын байцаагч нар онгоцонд ажиглалт хийж, биеийн байдлыг эрэмбэлж ирсэн. БНСУ-аас ирсэн хоёр иргэн хоёулаа эмнэлгийн байгууллагад үйлчлүүлж байгаад ирсэн иргэд. Эмнэлэг нь халдварт өвчин тархах эрсдэлтэй бүс учраас аль болох эмнэлгээр явахгүй байхыг зөвлөж байгаа.