Санхүүгийн зохицуулах хороо 0-12 насны хүүхэдтэй ажилтнуудаа гэрээс нь ажиллуулна

УОК-оос жирэмсэн болон 0-12 насны хүүхэдтэй эмэгтэйчүүдийг гэрээсээ ажиллах боломжоор хангах чиглэл өгсөн. Энэ чиглэлийг Санхүүгийн зохицуулах хороо дагаж, гэрээсээ ажиллах боломжоор хангаж, бусад ажилтнуудын ачааллыг тэнцүүлэн гэрээсээ болон албан тасалгаандаа ажиллах хуваарь гаргажээ.

Мөн Гамшгаас хамгаалах ерөнхий зохицуулалтын мэргэжлийн ангийнхаа ажлыг идэвхжүүлж ажилтнуудынхаа халууныг тогтмол үзэж, гар ариутгагчийг өрөө бүрт тарааж, ариутгал цэвэрлэгээ, аюулгүй байдалдаа онцгой анхааран ажиллаж байгаа аж.