УБ-аас Чойрт очсон иргэн халуурсаар нас баржээ

Өнгөрсөн шөнө Говьсүмбэр аймгийн Чойрт нэг иргэн халуурсаар нас баржээ. Тэрээр Улаанбаатараас хамаатныхаа айлд очсон байсан юм байна.

Энэ асуудлаар дөнгөж сая аймгийн Онцгой комисс хуралдаж, эмч нарын онош дүгнэлтийг сонссон байна. Тодруулбал, эмч нар талийгаачийн оношийг “амьсгалын  замын үрэвсэл, томуу” гэсэн дүгнэлтийг урьдчилсан байдлаар хэлсэн бөгөөд шинжилгээний дээжийг Улаанбаатар луу явуулсан байна.

Эрүүл мэндийн яамнаас өгч байгаа мэдээллээр, уушгины хатгалгаа өвчнөөр тухайлбал, 2019 онд манай улсын 71141 иргэн өвчилж, 431 хүн нас барсан нь бүртгэгдсэн байна. Өөрөөр хэлбэл, хатгалгаагаар өвдөж, амиа алдах тохиолдол элбэг. 

Тиймээс, аливаа онош  шинжилгээний хариугаар эцэслэн тогтоогдохыг уншигчдад сануулж байна.