Шинэ хэлбэрийн уушгиний хатгалгаа нь SARS - аас аюул багатай юу?

Шинэ хэлбэрийн Корона вирусээр өдөөгдсөн амьсгалын замын өвчин БНХАУ-д илрээд 10 гаруй хонож байна. Энэ өвчний халдварлах чадвар, хор хөнөөлийн талаар бүрэн гүйцэд судлагдаагүй байгаа аж. Уг өвчинтэй төстэй Корона вирусээс гаралтай урьд өмнөх “SARS”, “MERS” зэрэг амьсгалын замын өвчнүүдтэй харьцуулахад халдварлах чадвар, хор хөнөөл нь харьцангуй сул хэмээн ихэнхи мэргэжилтэнгүүд үзжээ. Гэвч уг вирус нь цаашид хэрхэн хувиралд орж өөрчлөгдөхийг таамаглах боломжгүй тул анхааралтай ажиглах шаардлагатай гэж мэргэжилтнүүд мэдэгдлээ. Нэмж мэдээлэл хүргэхэд “SARS” нь 2002 -2003 оны хооронд БНХАУ -аас гаралтайгаар дэлгэрсэн амьсгалын замын өвчин юм. Уг өвчний вирусаар халдвар авсан иргэдийн 10 орчим хувь нь амь насаа алдсан бол, MERS нь 2012 оноос Ойрхи Дорнодод дэлгэрч халдвар авсан хүмүүсийн 30 гаруй хувь нь амь насаа алдаж байсан юм.