ДЭЭД ШҮҮХИЙН ЕРӨНХИЙ ШҮҮГЧ ӨНӨӨДӨР ТОДОРНО

Дээд шүүхийн Ерөнхий шүүгчээр ес дэх жилдээ ажиллаж байсан Ц.Зоригийг энэ оны гуравдугаар сарын 28-ны өдөр Ерөнхийлөгч Х.Баттулгын зарлигаар албан тушаалаас нь чөлөөлсөн. 

Улмаар дөрөвдүгээр сарын 03-ны өдөр дээд шүүхийн бүх шүүгчийн зөвөлгөөн болж ерөнхий шүүгчийн сонгуулийг явуулсан. Уг сонгуулиар дээд шүүхийн шүүгч Д.Ганзориг олонхийн саналыг авч, түүний нэрийг Ерөнхийлөгчид өргөн мэдүүлсэн юм. Харин Ерөнхийлөгч Х.Баттулга нэр дэвшигч Д.Ганзоригийг дээд шүүхийн ерөнхий шүүгчээр томилохоос татгалзжээ. Гэхдээ ямар үндэслэлээр томилохоос татгалзсан нь тодорхойгүй байгаа юм. 

Тиймээс дээд шүүхийн бүх шүүгч дахин хуралдаж зөвөлгөөндөө хийхээр болжээ. Зөвөлгөөн өнөөдөр болно. Үүгээр дээд шүүхийн ерөнхий шүүгчийг дахин сонгоно гэсэн үг. Уг сонгуульд 2-3 хүн өрсөлдөх мэдээлэл байна. 

Эх сурвалж: Зууны мэдээ