​ИРГЭДИЙНХЭЭ АСУУДЛЫГ ШИЙДЭХ СЭТГЭЛ С.ОДОНТУЯА ДАРГАД АЛГА ГЭВ

Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр ил задгай, жижиглэн худалдаа эрхэлдэг иргэдийн өнөөдөр хүлээн авч уулзсан байна. Ийнхүү уулзах үеэрээ Баянгол дүүргийн Засаг дарга С.Одонтуяа тэдгээр иргэдийн асуудлыг шийдвэрлэх бүрэн эрх мэдэлтэй гэдгийг хэлсэн байна. Мөн Нийслэлийн Засаг дарга бөгөөд Улаанбаатар хотын захирагч С.Батболдын үүрэг даалгаварыг биелүүлэхгүй, иргэдийг ажлын байраар хангаагүй байж, албадлага хэрэглэн хөөж, тууж байгаа асуудлыг буруутгажээ.

Энэ талаар худалдаачин С.Мишиг "Хотын ерөнхий менежер бидний асуудлыг нааштай хүлээн авч, худалдаачдын нөхцөл байдал ямар байгаа талаарх бодит мэдээллийг биднээс авлаа. Мөн С.Одонтуяа засаг даргад хариуцлага тооцох эрх мэдэл хотын даргад байдаг. Дүүрэгтээ үйл ажиллагаа явуулж байгаа иргэдийн асуудлыг судлаж, иргэдийн эрх ашгийг зөрчихгүйгээр асуудлыг шийдвэрлэхгүй өдий хүрч байгаа бөгөөд энэ асуудлыг шийдэх хүсэл уг засаг даргад алга. Тиймээс БГД-ийн засаг даргатай хариуцлагын асуудал ярина гэсэн" хэмээв.