​БУСДЫН ГАР УТАС, 30 000 ТӨГРӨГИЙГ БҮЛЭГЛЭН ДЭЭРЭМДЖЭЭ

Цагдаагийн байгууллагад хоногт бүртгэгдэж байгаа гэмт хэргийн 50 гаруй хувь нь хулгай, дээрмийн хэрэг байна. Тиймээс иргэд хувийн өмч хөрөнгөө хулгайд алдахаас сэрэмжилж, урьдчилан сэргийлж байхыг анхааруулж байна.

Тодруулбал энэ сарын 25-ны өдөр "Баянгол дүүргийн тавдугаар хороо "3-р эмнэлэгийн автобусны буудал ХМК-Офицеруудын ордон чиглэлийн автобусанд явж байгаад гар утсаа хулгайд алдлаа" гэсэн мэдээлэл цагдаагийн байгууллагад ирсэн байна. Мэдээллийн дагуу шалгахад Багануур дүүргийн иргэн 20 настай эрэгтэй У-ын халааснаас "Samsung Galaxy S-4" гар утсыг Сонгинохайрхан дүүргийн 22-р хороонд оршин суух 28 настай эрэгтэй М хулгайлсаныг илрүүлэн шалгаж байгаа аж.

Мөн энэ сарын 26-ны өдөр СХД-ийн 29 дүгээр хороонд үйл ажиллагаагаа явуулдаг "Зочид буудлын дэргэд дээрэмдүүлсэн хүн байна" гэсэн мэдээллийг өглөөний 09:43-т авч шалгасан байна. Ингэхэд Төв аймаг Жаргалант харъяат 29 настай эрэгтэй М-ын "Samsung S-1", "Samsung S-2" гар утас, 30.000 төгрөгийг Дархан-Уул аймаг харъяат 37 настай эрэгтэй Ц бусадтай бүлэглэн зодож, дээрэмдсэн хэргийг СХД-ийн цагдаагийн гуравдугаар хэлтэс шалгаж байна.

Ю.Нямгэрэл