Наадамд зодоглох бөхчүүдийг маргаашнаас бүртгэнэ

Тулгар төрийн 2226 жил, Их Монгол Улс байгуулсны 811 жил, Ардын хувьсгалын 96 жилийн ой, Үндэсний их баяр-наадам болоход хэдхэн хоног үлдлээ. Харин Үндэсний их баяр наадмын хүчит бөхийн барилдаанд зодоглох бөхчүүдийг маргааш буюу долоодугаар сарын 9, 10-ны өдөр бүртгэнэ. Бүртгэлийн хугацаа 10.00-18.00 цагт Монгол бөхийн өргөөнд явагдана. Бөхчүүд бүртгүүлэхдээ хоёр хувь цээж зураг, даатгалын төлбөр, иргэний болон цолны үнэмлэхээ авчирч, өөрийн биеэр бүртгүүлнэ. Тиймээс зарласан хугацаанд бүртгүүлээгүй бөхчүүдийг нэмж бүртгэхгүй болохыг Монголын үндэсний бөхийн холбооноос анхаарууллаа. Харин барилдаанд хууль, дүрмийн дагуу даатгуулсан, 18-аас дээш насны хүчит 512 бөх барилдана.