Э.Төмөрбаатар: Уналтын доод цэгээ үзчихсэн хүн айх айдасгүй болдог юм билээ

"Хүмүүс эрх баригчдаас айж байна ш дээ. Үгээ хэлснийх нь төлөө хорьдог цагддаг. Харин би бол айхгүй. Надад айх шалтгаан ч байхгүй, унаад үзчихсэн, доод цэгээ үзчихсэн учраас зориг байна" гэж ярих түүнийг Эрхэмбаатарын Төмөрбаатар гэдэг. Тэрбээр 1987 онд Дорнод аймгийн Чойбалсан хотод төрж, өссөн. Эдийн засагч, эрх зүйч мэргэжилтэй. Тал нутгийн жолоочийн хүү юм. 

“Сайн байна уу” контентын ээлжит зочноор УИХ дахь Ардчилсан намын бүлгийн зам тээвэр, дэд бүтэц хариуцсан зөвлөх Э.Төмөрбаатарыг урьж, ярилцлаа.

Түүнийг 13 настай байхад нь буюу 2010 онд гэр бүл нь Улаанбаатар хотод нүүж ирсэн байна. 13 настайгаасаа Хархорин захаас жижиглэнгийн бараа зарж эхэлсэн тэрбээр хүүхэд 20 настайдаа анхны хувийн машинаа авч 4-5 ажилтантай хэрчсэн гурилын үйлдвэр ажлуулдаг болж, 24 настайдаа анхны компаниа байгуулж, дээрээсээ татах хүчгүй, дороосоо түлхэх хүчгүйгээр дүүгийнхээ хамт бүхнийг багаас нь эхэлж өнөөдрийн 200 гаруй ажилтантай авто зам, төмөр замын тээвэр, ОУ-ын тээвэр зууч, улс хоорондын ачаа тээврийн тээвэр зуучийн "Хэттрик" группийг үүсгэн байгуулж чаджээ. 

"Би өндөр эмээ дээрээ өссөн хүүхэд. Эмээ минь  миний хүү хүнд хэрэгтэй хүн болох ёстой шүү, тэр чинь хүн болсны утга учир шүү гэж захиж байсан нь одоо ч санаанаас гардаггүй. Тйим ч учир энэ үгийг нь амьдралынхаа утга учир болгож явдаг даа" хэмээн ярих түүнд уналтын доод цэг гэж хэлж болох үйл явдал тохиолдсон аж. 

"Хүнд янз бүрийн уналтын үе байдаг. Би нэг удаа ганц худаг хүртэл унасан. Гэхдээ би өөрөө унаагүй байхгүй юм. Намайг түлхээд унагачихсан юм. 

минь 2014 онд хорт хавдрын хагалгаанд ороод бие муутай байхад нь намайг гэрээр минь оруулж, ээжид минь харуулаад хорьж байлаа. Хонгилынхны систем тэгэж ажилладаг юм билээ. Намайг дарамтлах гэр бүлийнхнийг маань дарамтлах. Одоо ингээд ярихад хэдийгээр 10 жил өнгөрсөн ч гэсэн эмзэг л байна. Хүнд мартагддаггүй юм гэж байдаг юм байна. Миний ээж намайг гарч ирээд удаагүй байхад бурхан болсон. Хүний ээж хүн гэдэг л эцсээ хүртэл хүүхдэдээ итгэдэг юм билээ. Надад итгэсээр л байсан. Дараа нь болсон үйл бүхний талаар "Улаан бал" нэвтрүүлэгт орж ярихад нэг хүний итгэж байсан итгэлийг Монгол улс даяар ээжийн минь итгэж байсан бүхэн зөв байсан шүү гэдгийг харуулж чадсан гэж боддог. Прокурорын байгууллагын дэргэдэх мөрдөн байцаах албыг татан буулгасан. Яагаад вэ гэхээр өөрсдийнхөө хүчийг нэмэгдүүлж, эрх ашгийг нэмэгдүүлэх хүсэлтэй бүлэглэлийн зорилго нь мөн тэр. Миний хувьд хүсээгүй уналт байсан ч тэндээс маш их зүйл суралцсан. Цаашид хүсээгүй тэр зүйл рүү залуучууд, жирийн жолоочийн хүүхэд битгий унаасай гэсэндээ энэ нийгмийг өөрчлье гэж байгаа юм" хэмээн ярих тэрбээр шинэ гучин жилийн эзэд нь залуучууд бид гэдгийг ярилцлагадаа онцолж байлаа.