БАЯН-ӨЛГИЙД ГЭР БҮЛИЙН ХОЁР ХҮН ГУРАВ ХОНОГИЙН ЗАЙТАЙ НАС БАРЖЭЭ

Баян-Өлгий аймгийн Ногоон нуур суманд гурав хоногийн зайтай 30 гаруй насны эхнэр нөхөр хоёр харамсалтайгаар нас баржээ. Бид аймгийн ЗДТГ-ын дарга Д.Ерболоос тодруулахад дөрөвдүгээр сарын 27-нд гэртээ байсан нөхөр Т нь амиа алдсан. Мөн үүний дараа эмнэлэгт хүргэгдсэн эхнэр Б нь өнгөрсөн шөнө нас барлаа. Нас барсан байдлыг тарваган тахал байж "болзошгүй" гэж үзэж байгаа. Улаанбаатар хотоос ОБЕГ, ХӨСҮТ-ээс шинжээчид дөнгөж сая онгоцноос буулаа. Цогцосыг шинжилж үзэх учраас худал мэдээлэл тараахгүй байхыг хүсэж байна.

Өвчилсөн болон нас барсан иргэнээс авсан шинжилгээний хариу гараагүй тул тухайн иргэдийн амьдарч байсан гэр орон, эмчлүүлж байгаа аймгийн Нэгдсэн эмнэлэг, зорчиж явсан Цагааннуур-Улаанбайшинт чиглэлд урьдчилан сэргийлэх зорилгоор хорио цээрийн дэглэм тогтоогоод байна.

Н.МИНЖИН