АХУЙН ХҮРЭЭНИЙ ГАЛ ИРГЭДИЙН АНХААРАЛ БОЛГООМЖГҮЙ БАЙДЛААС БОЛДОГ БАЙНА

Өвлийн улиралд ахуйн галын дуудлага нэмэгдэж, иргэд эд хөрөнгөөрөө хохирох явдал нэлээд тохиолддог. Өчигдөр Нийслэл, Орон нутгийн онцгой байдлын байгууллагад гэр, байшин шатсан гэх дуудлага багагүй иржээ. Тодруулбал, Дорнод аймгийн Хэрлэн суманд иргэн П-гийн 3х6 метрийн хэмжээтэй байшин шатаж байсныг унтраасан байна.

Мөн Хөвсгөл аймгийн Тариалан суманд иргэн Л-ийн 12х8 метртийн хэмжээтэй байшингийн дээврийн хэсэг шатаж байсныг унтраажээ.

Нийслэлийн Баянзүрх дүүргийн 27, 24 -р хороо, Налайх дүүрэг, Сүхбаатар, Хан-Уул дүүргийн 11, 14-р хороо, Чингэлтэй дүүргийн 19-р хороонд байшин шатаж байсныг харъяа гал унтраах ангийнхан унтраасан байна.

Ахуйн хүрээнд гарч байгаа гал голдуу галлагаанаас, пийшин зуухны ашиглалт буруу, гэмтэлтэй зуух яндан, тусгаарлагч хамгаалалт байхгүй, үнсээ ил задгай асгадаг таггүй саванд хадгалдаг зэргээс л болдог талаар мэргэжилийн хүн хэлж, сэрэмжлүүлж" байгаа юм. Тиймээс иргэд өөрийн эд хөрөнгийг болзошгүй аюулаас урьдчилан сэргийлж, анхаарал сэрэмжтэй байх хэрэгтэй гэдгийг сануулъя.