​ФЭЙСБҮҮК НУУЦ ҮГ ХАКЕРДДАГ ЛИНК 90 ГАРУЙ ХҮНД 5 САЯ ТӨГРӨГИЙН ХОХИРОЛ УЧРУУЛЖЭЭ

Цахим хуудсаар бусдыг залилах, фэйсбүүк хаягний нууц үгийг нь тусгай линк ашиглан авч, бусдаас мөнгө гуйх гэмт хэрэг сүүлийн өдрүүдэд цагдаагийн байгууллагад нэлээд бүртгэгдсэн байна. Энэхүү халдлагад одоогийн байдлаар 90 гаруй хүн өртөж 5 сая төгрөгийн хохирол учраад байгаа аж.

Гэмт этгээдүүдийг цагдаагийн байгууллага илрүүлэн шалгаж байгаа бөгөөд 20 гаруй хүнийг холбогдуулан шалгаж байгаа талаар цагдаагийн байгууллагаас мэдээллээ. Тиймээс фэйсбүүк хэрэглэгч та бүхэн шижиг бүхий линк рүү дарж орохгүй байж, өөрийн фэйсбүүк хуудасны аюулгүй байдлыг хадгалж байхыг зөвлөж байна. Мөн таны найз нөхөд, ойр дотны хүмүүс тань мессенжер чатаар мөнгө төгрөг гуйвал заавал өөртэй нь утсаар холбогдож, асуудалд нухацтай хандах ёстойг анхааруулъя.

Н.Батаа