Лос Анжелес хотын түймэрийн голомтод 5000 орчим Монгол иргэн амьдарч байна

Лос Анжелес хот орчимд түймэр үүссэн. ГХЯ-наас  АНУ-ын Сан Франциско хотод суугаа Ерөнхий консулын газраар дамжуулж монгол иргэдийн холбоотой холбогдож мэдээллүүдээ солилцож байгаа юм. Одоогоор түймэрт өртсөн монгол хүн байхгүй. Түймрийн голомт болон голомт тойрсон хотуудад 5000 орчим монгол иргэн бий. Одоогоор монголчууд олноор оршин суудаг мужуудад аюул бага байгаа ажээ. 

Лос Анжелесийн монголчуудын холбооноос, Лос Анжелес хот орчимд тархаж буй түймрийн аюултай байдалтай холбоотой тус хот орчимд, ялангуяа түймрийн голомт, түүнтэй ойр ажиллаж амьдардаг Монголчуудад анхааруулга, авч хэрэгжүүлэх заавруудыг мэдээлж байна.

Лос-Анжелес муж даяар дэгдэж буй гал түймрийн голомт дарагдаагүй хэвээр байгаа бөгөөд таван хүн харамсалтайгаар нас баржээ.