Амиа алдсан алба хаагчдын ар гэрт 3 өрөө орон сууц олгохоор шийдвэрлэв

Засгийн газрын ээлжит хуралдаан үргэлжилж байна. Хуралдаанаар албан үүргээ гүйцэтгэж яваад амиа алдсан Онцгой байдлын албаны гурван алба хаагчийн ар гэрт тус бүр  гурван өрөө орон сууц "Буянт-Ухаа" хорооллоос олгохоор шийдвэрлэжээ. Мөн галд орон гэр, эд хөрөнгөө алдсан иргэдийг түрээсийн байранд оруулахаар болов. 

"Буруутай этгээдийг тогтооход хууль хяналтын байгууллага ажиллана. Энэ хүртэлх хугацааг хүлээж ард иргэдийг орох оронгүй, өмсөх хувцасгүй байх нөхцөлийг төр бий болгохгүй.Нийслэл, дүүрэг, улсын нөөц хөрөнгөөс эдгээр асуудлыг эхний ээлжинд нэн яаралтай шийдвэрлэнэ" гэж ЗГХЭГ-ын дарга Д.Амарбаясгалан өчигдөр мэдээлсэн билээ. Энэ дагуу тус асуудлыг Засгийн газрын хуралдаанаар шийдвэрлэсэн байна.